"Мод тарья" ДВД-тэй гарын авлага

Мод таньд

цэвэр ус, цэнгэг агаар,

шимт хөрс бэлэглэнэ.

Дэлхийн цаг уурын өөрчлөлт, Монгол орны эрс тэрс хуурай цаг уур, хүний хүчин зүйлийн сөрөг нөлөөллийн үр дүнгээр цөлжилт эрчимтэй явагдаж, амьдрах орчны нөхцөл улам бүр доройтсоор байгааг хүн бүхэн мэдэх бизээ. Цөлжилтийг сааруулах, амьдрах орчны нөхцлийг сайжруулах олон арван үйл ажиллагаа явуулж байгаа хэдий боловч үүнд иргэн бүр үр бүтээлтэй оролцох боломж, нөхцөл харилцан адилгүй байдаг. Иймд иргэдэд экологи, эдийн засгийн нэн чухал ач холбогдолтой мод, бут үржүүлэх, тарих технологийг хүртээмжтэй болгох үүднээс НҮБ-ДДБХС-ЖТХ-ийн санхүүжилтээр хэрэгжүүлж буй “Мод таръя” цахим сургалт, танин мэдэхүйн төслийг www.goymod.blogspot.com цахим хуудсаар дамжуулан хүргэж байгаа юм.

Мод, бут бол хүрээлэн буй орчны тэнцвэрийг хадгалах ялангуяа агаар цэвэршүүлж хүчил төрөгч ялгаруулан чийгшүүлэх, мөнх цэвдгийг тогтоон барих, хөрсний усыг тэтгэх, салхи шуурганаас нөмөрлөх, хөрсний бүтцийг сайжруулах, элсний нүүдлийг зогсоох, жимс, жимсгэнийг хоол тэжээл, эм эмчилгээ, гоо сайхны зориулалтаар хэрэглэх, модны аж ахуйн эргэлтэнд оруулах зэрэг олон талын ач холбогдолыг нэгэн зэрэг өгч чаддаг хосгүй гайхамшигт ургамал учир хот хөдөөг ялгалгүй цэцэрлэгжүүлэх, ойжуулах, тарималжуулах зэргээр ногоон байгууламжийг нэмэгдүүлэх нэн чухал ач холбогдолтой.

Тус гарын авлагад манай оронд өргөн тархалттай мод, бутыг үржүүлэх, тарьж ургуулах арга технологийг урьд өмнө судлагдсан бүтээлүүдээс иш татахын зэрэгцээ, энэ салбарт ажиллаж буй мэргэжлийн болон мэргэжлийн бус хэдий ч хүсэл сонирхолдоо хөтлөгдөн амьдарлаас эрэн сурвалжлан “туршлагаараа мэргэшсэн” иргэдийн мэдлэгээр баяжуулан “Мод таръя” төслийн багийн санаачлагаар та бүхний гарт хүргэж байгаа билээ.

Эрхэм хүнтэд та энэхүү бүтээлтэй танилцаад нэг мод шинээр тарьж ургуулсан бол таны бас бидний зорилго оршино.

 Үнэ: 5000₮

“Мод таръя” төслийг санаачлагч: Б.Норовсүрэн

      Багийн гишүүд:

Зураглаач: Г.Мөнх-Од

Сэтгүүлч, Найруулагч: Л.Отгонбаатар

Менежер: Ч.Баттулга

www.goymod.blogspot.com

Утас: 89500250

Жимсний мод үрээр тарих

За ингээ л налгар намар ирж жимс ногоо боловсорч эхэллээ дээ. Бид бүгдийн амтархан идэж хэрэглэдэг жимс болгонд байдаг үр тэр ч бүү хэл цөмөөд байдаг самарын идээ нь хүртэл хагас мянганыг туулах тээр өндөрт ургах уулын модыг ургуулах ид шидтэй шүү. Иймийн тул та амтархан идээд дотор нь байсан хаях гэж байгаа үрийг нь нэг тариад туршаад үзээрэй. Ялангуяа намар жимсний үрийг тарих нь их тохиромжтой учир нь мэргэжлийн хүмүүсийн хийж гүйцэтгэдэг үр эртжүүлэх ажлыг байгаль өөрөө гүйцэтгээд өгөх нь таньд хамаагүй хялбар юм. Ингээд урин хавартай золгон шинэхэн нахиа үүсэн таныг эргэлзээгүй баярлуулах болно. Үүний тулд та тухайн жимснийхээ үрийг зөөлөн (заримдаа махлаг эд ч гэдэг) эдээс нь цэвэрлэнэ. Зөөлөн эд нь ялзрахдаа үрийг өвчлүүлэх нягууртай. Тухайлбал мойл, долоогоно, чацаргана, өрөл, бөөрөлзгөнө, улаагана, гүзээлзгэнэ... гэх мэтээр амтархан идээд иддэхгүй хаяхаар зэхсэн хатуу хэсэг буюу үрийг нь сайн цэвэрлэж ялгаад аптекуудад байдаг маргенцийг усанд хэдхэн ширхэгийг уусгаж тод ягаавтар өнгөтэй уусмал болмогц цэвэрлэсэн үрээ 30минут дэвтээж ариутгаад урьчилан бэлтгэсэн талбайдаа тухайн үрийн ширхэгийн хэмжээнээс 2-3дахин гүнд суулгаарай. Жишээ нь бөөрөлзгөний үрийн хэмжээ үр нь гаднаа ил байдаг цор ганц жимс болох гүзээлзгэний үртэй яг ижил хэмжээтэй учир энэ хоёр жимсний үрийг хөрсний гадаргууд бараг ил цацхаар байгаа биз гэтэл мойлын үр бараг хагас см учир хөрсөнд 1.5см гүн суулгана гэсэн үг юм гэхдээ нэмж сануулахад үр суулгах талбайгаа хайрцаглаж хөрсөө сийрүүлж, үрээ суулгасны дараа гадаргууг сайн тэгшилж булдаж нягтруулах хэрэгтэй бөгөөд энэ нь цас мөс хайлахдаа ийш тийшээ урсаж бөөгнөрөхгүй байх их чухал. Хөрсний бүтэц 50:30:20 хар шороо, элс, ялзмаг байх нь хамгийн тохиромжтой гэдэг тул танай хашааны хөрсний найрлага ийм байна уу үгүй гэдгээс хамаарч хөрсөндөө элс, өнжсөн бууц(био ялзмаг), хар шороог ямар хэмжээгээр нэмэхээ тохируулна. За ингээ л болоо анхны цас орохтой зэрэгцээд байгаль өөрөө таны тарьсан үрийг бэлтгээд өгнө. Цас орсон үед үр тарьсан газраа ялгах үүднээс үр тарьсан газраа хашаалж хамгаалахаа мартаваа. Мөн өвлийн үед цасаар манаж байгаарай.
Та идсэн жимс болгоныхоо үрийг тарьж ургуулаад сурчихвал манай орон жимст цэцэрлэгийн орон болох нь эргэлзээгүй бизээ.Таньд амжилт хүсье миний бяцхан зөвлөгөөг хэрэгжүүлээд нэг жимсний мод танай хашаанд нэмж ургасан бол www.goymod.blogspot.com-доо талархахаа бүү мартаарай

 Нийтлэлч: Б.Норовсүрэн

Холбоо барих 89500250

 Долоогоно

 Долоогоно

 Үхрийн нүд

 Мойл-Монос

 

 Өрөл,Үрэл

 Тэхийн шээг

 Бөөрөлзгөнө

 Давжаа алим-Арнитик

 Гүзээлзгэнэ

Далан хальс

Эх сурвалж: www.goymod.blogspot.com

Үхрийн нүдний ногоон мөчир усанд үндэслэдэг

Монгол оронд хамгийн түгээмэл ургадаг жимсний бут бол үхрийн нүд юм. Үхрийн нүд үржиж ургахдаа хялбар бөгөөд сайхан үнэртэй навчийг нь хандлаж цай болгож ууж болно. Та яг одоо хайчаа барьж гаран шинэ залуу ногоон мөчрийг 5-7н навч нахиайтайгаар хайчлан оройн ганц хоёрхон навчийг үлдээн бусдыг хайчилан авч зургын дагуу  усанд хийж нар тусах газар байрлуулан дулаан орчин үүсгэн үндэслүүлж бутаа олшруулж олон болгож болно. Шинэ нахиаг гэмтээж болохгүйг анхаарна уу? Ингээд та үхрийн нүдний бут үржүүлэгч болох нь. Таны энэ жил үржүүлсэн бут 3 дахь жилээсээ жимслэж таныг баярлуулна.Би өнөөдөр 3н мөчир усанд хийлээ үндэслэхээр нь зураг нэмж оруулнаа. Амжилт

Мод болон цэцэг тарьж гадаа байрлуулах боломжтой бортого борлуулна

26х21см хэмжээтэй мод болон том цэцэг тарьж гадаа байрлуулах боломжтой бортого их хэмжээгээр борлуулна. Үнэ 500₮. Утас: 89500250

 Давхар дэлбээтэй цээнэ

 Давхар дэлбээтэй цээнэ

 4н настай Монос

Мандлын цэцэг борлуулна.

Мандлын цэцэг ширхэг-1000₮-5000₮

 

 Цинния-Хүмээс  (том цэцэгтэй ягаан, шар, хүрэн улаан өнгөтэй)ширхэг-1000₮

Петуния-Хун (дан дэлбээтэй цагаан цэцэгтэй-цагаан судалтай) ширхэг-1000₮

 Бархатци-Хилэнжин (шар, улбар шар өнгөтэй) ширхэг-1000₮

 Астра-Гэсэр (Хөх ягаан, ягаан, цагаан өнгөтэй) ширхэг-1000₮

  Виола-Алаг нүдэн (холимог олон өнгөтэй) ширхэг-1500₮

 

Гладиолус-Арилдий (холимог олон өнгөтэй) -5000₮

ЯГААН ЦЭЭНЭ тарих

Ягаан цээнэ –Paeonia anomala L

Статус: Ховор зүйл

Онцлог: Ишний ёроолоос доош бүдүүрсэн, дундаа томхон түнтгэр бүдүүн үндэстэй, 40-80см өндөр олон наст өвслөг сөөгөн ургамал. Торгомсог хүрэн улаан дэлбээ бүхий 8-15см голчтой улаан цэцэгтэй. Хөндлөн байрласан 3-4 хэтэвчин дотор олон хар үртэй.

Ургах орчин: Ус сайн нэвтрүүлдэг шүлтлэг,  байгалийн гаралтай ялзмаг, элсний холимог бүтэц бүхий хөнгөн хөрсний бүтэцтэй байх. (Био ялзмаг 50%, Хүлэрт хөвдөн хөрс 50% найруулан бэлтгэж болно)

Хэрэглэх эрхтэн: Үндэс, булцуу, навч

Үржил: Үр, үндэслэг иш

Тарих арга: 25-30см өргөн голчтой 20-25 гүн нүхэнд ургамал хооронд 50см зайтайгаар үндсийг 15-18см гүнд соёог дөнгөж цухуйхаар суулгана.

Усалгаа: Хөрсийг 75-80%ийн чийгтэй байхаар усалгааг хөрсөнд суулгасан нөхцөлд 7-8 хоног тутамд, бортогонд ургуулах нөхцөлд 4-5 хоног тутамд услана. Цэцэглэснээс хойш усалгааг цөөрүүлэх бөгөөд намар 10-р сарын дундуур цэнэг усалгаа хийнэ.

Хэрэглээ: Уушигны халуун болон, ясны бороололт хурдасгах, оюуны болон биеийн хүчний ажиллах чадвар, орчиндоо дасан цохицох чадвар дээшлүүлэх, хордлого тайлах, насны доройтол, сульдаа, цусны даралт буурах, яс бэртэх, үрэвсэл намдаахад хэрэглэнэ. /Хэрлэний хөдөө аралд тарьсан нэн ховор, ховоо, ашигт ургамал 2011он, хуудас-296/

Үндэслэг иш

Үндэслэг ишийг хувааж үржүүлнэ

ЦЭЦЭРЛЭГЖҮҮЛЭЛТ-ийн сургалтанд урьж байна.

ЦЭЦЭРЛЭГЖҮҮЛЭЛТ-ийн сургалтанд урьж байна.

Сэдэв № 2 : ЦЭЦЭРЛЭГЖҮҮЛЭЛТ

        -         Мод, бутны тайралт хэлбэржүүлэлт, арчилгаа хийх арга
-         Гар хийцийн хүлэмж барих, хөрс боловсруулах
-         Мод бутны модлог мөчир, ногоон мөчрийн үржүүлгийн технологи
-         Гэрийн нөхцөлд хөрс, органик бордоо бэлтгэх
-         Гар хийцийн хүлэмж барих
-         Зүлэг тарих арга

      Төлбөр: 5000₮ (Сургалтанд оролцсон хүн бүрт зүлэг тарих хэвлэмэл зөвлөмж, “Мод бут тарьж үржүүлэх арга” сэдэвт Ном, 8-н дугаар бүхий нийт 120 минутын видео хичээлийн DVD үнэ төлбөргүй дагалдна)

      Үйл ажиллагаа: Сургалтын дараа үр, үрсэлгээ, тарьц, суулгацын бичил худалдаа явагдна.

Бүртгэл: Овог.Нэр утасны дугаараа 89500250 дугаарлуу мэссэжээр  илгээнэ. 
Хэзээ: IV/12 ны Бямба гаргын 14:00 цагаас

Хаана: Баянгол дүүрэг, Бичил Хороолол, 28-р буудал, “ХҮРЭЭ МЭДЭЭЛЭЛ ТЕХНОЛОГИЙН ДЭЭД СУРГУУЛЬ”-ийн Б танхим 109 тоот

Үргэлжлэх хугацаа: 2цаг 30 минут

Холбоо барих утас: 89500250, 88908050
Зохион байгуулагч: “Монголын Эко Зохистой Хөгжлийн Холбоо” ТББ